'സ്മിതാ....ആ ഏഷ്യാനെറ്റ് ചാനല്‍ ഒന്ന് ഓണ് ചെയ്ത് നോക്കൂ...വേഗം..'
സുഹൃത്താണ് ഫോണി൯റെ അങ്ങേത്തലയ്ക്കല്‍ . എന്തോ അത്യാഹിതം സംഭവിച്ചതുപോലെയാണ് വിളി! എന്താണാവോ ഇത്ര ഭീകരമായ വാ൪ത്ത?
ചാടിപ്പിടച്ച് ടി.വി ഓണ് ചെയ്തു.
ഓ....ഒരഭിമുഖമാണ് സംഗതി.
ജോണ്‍ ബ്രിട്ടാസിനെപ്പോലൊരുകക്ഷി കത്തിക്കയറുകയാണ്.ദമ്പതിമാരാണെന്ന് തോന്നുന്നു രണ്ടുപേ൪ തപ്പിത്തടഞ്ഞ് പകുതി മലയാളത്തിലും ഇംഗ്ളീഷിലുമായി മറുപടി പറയുന്നു.സ്ത്രീയെ ആരും പെട്ടെന്നു തന്നെ ശ്രദ്ധിച്ചുപോകും.കാരണം അത്ര ഭീമാകാരമായിരുന്നു ആ രൂപം .സത്യത്തില്‍ ഒരു വലിയ സോഫ പോര അവ൪ക്കിരിക്കാ൯!
ആരാണിവ൪?
എവിടെയോ കണ്ടുമറന്ന രണ്ട് സുന്ദരരൂപങ്ങളുടെ തിരുശേഷിപ്പുകള്‍.
ഈശ്വരാ.........!
ഇത് വൈശാലിയും ഋശ്യശൃംഗനുമാണല്ലോ..!
വൈശാലി!
ഭരത൯റെയും പത്മരാജ൯റെയും പ്രിയനായിക!
മുഗ്ധലാവണ്യം കൊണ്ട് ഋശ്യശൃംഗനെ വശീകരിച്ചവള്‍!
ഗന്ധ൪വ൯ പോലും മോഹിച്ചുപോയവള്‍!
സ്ത്രീ ശരീരത്തി൯റെ അഴകളവുകള്‍ കൃത്യമായി ഒത്തുചേ൪ന്നവള്‍!
അംഗലാവണ്യത്തി൯റെ മൂ൪ത്തിമത് ഭാവം!
ദൈവമേ..........
ആ സുന്ദരരൂപമാണോ ഇങ്ങനെ ചീ൪ത്തു ….ചീ൪ത്ത്.....
ഹൊ! എനിക്കിതു കാണാ൯ വയ്യേ... ഞാ൯ ടി.വി.ഓഫുചെയ്തുകളഞ്ഞു
കാലമേ....നീയെത്ര ക്രൂരനാം കലാകാര൯!!!
